Når natta blei til dag

T/M: Ingebjørg Bratland

 

Det var ikkje meininga å kysse deg

likevel blei det slik i kveld

Kontrollen mista eg i forfjor

Og det var ein fredag

 

Var du redd?

Det var eg

Og har du svevd?

Det har eg

 

Det var ikkje meininga å snike seg

Burt og vekk, ut i frå vårt daggry,

men trua drakk me opp i forgår

og det var ein søndag

 

Var du redd?

Det var eg

Og har du svevd?

Det har eg

 

Det var deg eg ville ha,

men det blir aldri av

Det var meg du ville ha,

men det blir aldri av

Det var det me ville då,

men det blir aldri av

 

For det var gull, det var gull, det var alt me ikkje var

når natta blei til dag

 

Det var ikkje meininga å reise slik

miste tak, rømme frå den kvelden

men motet rasa vekk med snøen her

Og det var desember